لە تێکهەڵچوونەکانی نێوان سوپا و چەتە چەکدارەکان لە ویلایەتی کەبی ئەو وڵاتە، ٨٠ ئەندامی باندەکە کوژران.

عەبدوڵڵا ئیدریس زورو، ڕاوێژکاری تایبەتی پەیوەندییەکان و ستراتیژی پارێزگاری کەبی ڕایگەیاند، سوپای تورکیا ئۆپڕاسیۆنێکی دژی ئەندامانی باند ئەنجام داوە کە هەوڵی دزەکردن ناو ویلایەتی کەبی لە سنووری ویلایەتی زامفارا لە باکووری ڕۆژئاوای نێجیریا دەدا.

زورو ڕایگەیاند کە لە ئۆپەراسیۆنەکەدا ٨٠ ئەندامی چەتەی چەکدار کوژراون و ژمارەیەکی زۆر لە ئەندامانی باندەکەش بە برینداری ڕزگاریان بووە.

زورو ئاماژەی بەوەشکرد، لە کاتی ئۆپڕاسیۆنەکەدا ٢ هاوڵاتی مەدەنی کە لەلایەن ئەندامێکی باندێکی چەکدارەوە بە بارمتە گیرابوون، ڕزگارکراون، هەروەها دەست بەسەر دەیان ماتۆڕسکیل و ژمارەیەکی زۆر چەک و تەقەمەنی گرنگدا گیراوە کە هی ئەندامانی باندە چەکدارەکان بوون.

بەهۆی هێرشی کەسانی چەکدار بۆ سەر ماتۆڕسکیل، بەکارهێنانی ماتۆڕسکیل لە هەندێک ویلایەت لەوان کەبی قەدەغە کراوە.(İLKHA)